Leggi – o scarica – QUI la NEWSLETTER 24-2018

CIAO TONI…

CIAO BEPI… COME STETO?… SITO PREOCUPÀ?…

NÒ… NÒ… PREOCUPÀ GNANCA UN FIÀ… MA DISPIASSUO ASSÉ… PARCHÉ ME DISPIASE CHE ‘NA FAMEJA GABIA DA ‘NDARE LONTAN DAEA SO’ TERA PAR TROVARE LAVORO…

BEPI… XÉ SENPRE STÀ CUSSÌ… CUANTI DEI NOSTRI VECI GÀ DOVESTO ‘NDARE DISTANTE DA CASA PAR MANTEGNERE EA FAMEJA?

SÌ… VERO ANCA CUESTO… PERÒ EL RESTO DEA TRIBÙ STAVA CASA… INPARANDO COSSA CHE VOL DIRE SACRIFICI… INPARANDO A VOERGHE BEN AEA TERA CHE NE DÀ SOSTENTAMENTO… E SOPRATUTO A RISPETARLA!!… NÒ COME UNCÒ CHE EA XÉ DEVENTÀ SOEO MERCE DA CONPRARE… SCUASI COPÀ DAEA CHIMICA CHE ‘I GHE BUTA DRENTO!!…

ME RICORDO ME NONO MILCARE CHE EL GAVEVA CUATRO CANPETI EREDITÀ DA SO’ PORA MAMA… E EL SE ‘I CURAVA COME UN ORACOEO!!… CUANDO CHE EA ZENTE PASAVA DAVANTI AEA SO’ TERA ‘I GERA AMIRÀ… PAREVA CHE ‘E VIGNE E ‘I MEZI CANPI DE ORTICOE FUSSE PARFIN PETENÀ… EL GHEVA ‘EA PASSION PAI BISI… IN STAJON… DE DOMENEGA ‘NDAVIMO TUTI A MAGNARE CASA SUA… ME NONA FASEVA ‘E TAJADEE FATE IN CASA… E A MEZODÌ TROVAVIMO ‘NA TERINA – ME DIGO LARGA MEZO METRO… DE CUEE BIANCHE DE CERAMICA…- PIENA RASA DE TAJADEE COI BISI… E TANTO FORMAJO GRANA PARCHÉ GERA FESTA…

TONI!!… VORÀ DIRE CHE COME PRIMO PRANSO NEA NOVA CASA FAREMO TAJADEE COI BISI!!… TE VA BEN??…

BASTA STARE IN CONPAGNIA BEPI… AMISSI E PUTEI CHE CRESSE…

E UN BON GOTESEO…

ANCA CUEO FA CONPAGNIA…

Consulta l’archvio