La Newsletter del Tamiso del 5 maggio 2018

Leggi – o scarica – QUI la NEWSLETTER 18-2018

CIAO TONI…

CIAO BEPI… GHETO VISTO CHE STAVOLTA SO’ VEGNÙ MÌ A TROVARTE??…

GHEVITO PAURA CHE SCANPASSE??…

NÒ… NÒ… MA DATO CHE FRA POCO TE ME ABANDONI GÒ PENSÀ DE FARTE MÌ ‘NA SORPRESA E VEGNERE A CASA TUA…

DOMAN NEVEGA!!…

NO’ STÀ DIRLO FORTE!!… NO’ SARIA EA PRIMA VOLTA CHE NEVEGA DE ‘STA STAJON!!…

COMUNCUE DIME TONI… CUALCHE NOVITÀ??… TUTO GIRA PAR EL BIOLOGICO DEL CONPAGNO DE TO’ NEVODO??…

SERTO CHE SÌ… INTANTO EL XÉ DRIO PREPARARE TUTE ‘E CARTE NECESSARIE… PENSO CHE CUANDO CHE TE TRASLOCARÉ CO’ TO ZENARO EL SARÀ PRONTO A PARTIRE…

SO’ VERAMENTE CONTENTO DE ‘STÀ DECISION TONI!!! SPERO CHE EA SIA EA SCIELTA VINCENTE PAR ‘STÀ FAMEJA… DE SERTO ‘I GAVARÀ UN FUTURO…

A PROPOSITO DE FUTURO… NEL’IMEDIATO TE SÌ INVITÀ A CASA DE ME ZENARO… ANCA PAR METARSE D’ACORDO SU COSSA FARE PAR EL TRASLOCO… A PROPOSITO… SITO BON GUIDARE UN CAMIONSIN??… UN SINCUANTA CUINTAI PAR DIRTE… PARCHÉ GHE SARÀ BISOGNO DE DO’ MEZZI PAR FARE UN VIAJO SOEO… E TE SÉ CHE MÌ GÒ MAE A UN ZENOCIO…

GO’ EA PATENTE DA CAMION FATA SOTO MIITARE!!…

AEORA SEMO A POSTO!!…

NO’ STÀ FARE EL SPIRITOSO… SO’ UN AUTISTA PROVETO!!…

BASTA CHE NO’ TE BEVI PRIMA….

CUESTA XÉ ‘NA SPORCA CALUNIA!!…

 

Commenta l’articolo

*